Аддзел "Нам ёсць чым ганарыцца, нам ёсць што берагчы" знаёміць з гісторыяй СРДУП “Свіцязь", пачынаючы з 1948 года да нашых дзён.

У 1948 годзе ў вёсках нашага сельскага савета пачалася калектывізацыя.  З гаспадарак вёсак Валеўка і Навасады быў утвораны калгас “Іскра”, кожная вёска ранней з’яўлялася калгасам. А ў 1951 годзе дробныя гаспадаркі былі аб’яднаны ў калгас імя Варашылава.  Калгасу быў пераданы акт аб перадачы зямлі дзяржавай на вечнае карыстанне, старшынёй быў абраны Несцярэнка П.І. З 1953 года па 1975 г. старшынёй працаваў Сурага М.І., у 1961 годзе калгас пераіменаваны ў “Свіцязь”. З 1975 года па 1977 год старшынёй калгаса была жанчына – Майсейчык Т.Б., з 1977 па 1978 год – Комар А.С., з 1978 па 1995 год старшынёй быў Санько І.І.

   Працавала ў Валеўцы і машынатрактарная станцыя з 1946 па 1958 год, якая абслугоўвала 10 калгасаў, з 1946 года ўзначальваў МТС А.П.Малочка, загадчыкам палітадзела працаваў Фіміцкі А.С.

    Доўгі час СРДУП "Свіцязь" узначальваў Зубік Аляксандр Уладзіміравіч.

       З 6 лютага 2018 года начальнікам СРДУП «Свіцязь» прызначаны Бажко Яўген Сяргеевіч.