Зімовая казка вельмі рамантычная. Яна радасная і загадкавая, фантастычная і непаўторная. Хочаш убачыць казку? Загляні, калі ласка ў фае нашай школы.
Азірніся вакол! Што за цуд? Бясконцая прыгажосць: дрэвы ў беласнежных уборах, сыпле шматкамі пухнаты снег. Лёгкія ўзорныя сняжынкі, задумаўшыся, апускаюцца на галінкі дрэў, на якіх гуляе сонечны зайчык. Побач прыгажуня-ёлка, нібы казачная дзяўчына, якая апранула серабрыстае футра, - столькі гулячет на ёй фарбаў. Прымасцілася на далікатнай галінцы сава. Ціваўная, быццам пытаецца: “Ты хто такі? Можа пазнаёмімся? Важна блукае маленькае аленяня і запрашае ўсіх у свет цудаў і прыгод.
А як жа ў казачным лесе без Бабы-Ягі? Гаспадыня сочыць за парадкам і вельмі чакае навагодніх свят. А вось і “крэсла жаданняў”. Прысядзь, адпачні! І мы на хвіліну заміраем, каб загадаць сваё запаветнае жаданне. А яно абавязкова спраўдзіцца, таму што Свіцязянскі край – сапраўдны рай!
Comments