Вусная народная творчасць мае вялікае пазнавальнае значэнне, гэта своеасаблівы ключ да разумення канцэптуальных накірункаў у творчасці пісьменнікаў, якія будуць вывучацца ў старэйшых класах. Акрамя таго, разуменне агульначалавечых каштоўнасцей не магчыма без сувязі з традыцыямі сваёй малой радзімы. Вывучэнне фальклору дапаможа вучням усвядоміць сябе як прадстаўнікоў нацыі з самабытнай культурай.  

     Вывучаючы розныя жанры народнай творчасці сваёй мясцовасці, неабходна:

 1.Скіраваць увагу вучняў на жанравыя адметнасці твораў.

 2.Выразна чытаць  казкі (дзе можна-па ролях), пераказваць, ілюстраваць, інсцэніраваць.

3. Эфектыўна выкарыстоўваць грамзапісы каляндарна-абрадавай паэзіі ў навучанні, спяваць народныя песні.

4. Выкарыстоўваць ілюстрацыйны матэрыял (абрадавы каляндар).

5. Рыхтаваць паведамленні пра мясцовыя абрады і фальклор, тлумачыць сутнасць дзеянняў абрадаў.

6. Назіраць за вобразнай сімволікай, паэтыкай народных песень.

7. Арганізоўваць фестывалі народнай песні.

8. Удасканальваць і узбагачаць уласны слоўнікавы запас.

9. Усведамляць глыбіні і непаўторнасць мастацкага слова свайго краю.

10. Пашыраць чалавеказнаўчыя, жыццёвыя і эмацыянальна-вобразныя ўяўленні вучняў пры вывучэнні твораў вуснай народнай творчасці.

11. Прапагандаваць творы народнай творчасці свайго краю праз сродкі масавай інфармацыі, у сацыяльных сетках.

12. Складаць зборнікі народных песень, легенд, паданняў, прыкмет, загадак, казак сваёй мясцовасці.

 13. Ствараць уласныя загадкі.

14. Арганізоўваць і прымаць удзел у каляндарна-абрадавых святах: Калядкі, Гуканне вясны, Масленіца, Купалле і інш.

 

Метадычныя  рэкамендацыі настаўнікам

 1. Вызначэнне ролі і методыкі вывучэння  твораў вуснай народнай творчасці ў школьнай праграме.

2. Знаёмства са структурай і спецыфікай урокаў па вывучэнню беларускага фальклору.

3. Прагляд відэаролікаў, дакументальных фільмаў, відэафільмаў, мультымедыйных прэзентацый па тэматыцы малой Радзімы.                       

4. Скіраваць увагу на пазнанне мастацкай прыроды фальклорных і літаратурных твораў.
 5. Выпрацаваць сістэму работы з вучэбным матэрыялам, якая б садзейнічала развіццю мовы вучняў, найбольш дакладнаму і свядомаму выкарыстанню слова, абуджэнню цікавасці да фальклорных і літаратурных твораў, фарміраванню актыўнай творчай асобы.

6. Больш дэтальна пазнаёміцца з жанрамі вуснай народнай творчасці: казкамі, народнымі песнямі, легендамі, прыказкамі і прымаўкамі, закадкамі, прыкметамі і павер’ямі.

7. Вывучэнне творчасці класікаў літаратуры, сучасных паэтаў і юных талентаў Навагрудчыны.

8.Выкарыстанне на ўроках беларускай літаратуры і ў пазакласнай рабоце  зборнікаў народных песень нашай мясцовасці, легенд, прыкмет і павер’яў як неад’емнай часткі культурнай спадчыны беларускага народа.

9. Праслухоўванне на ўроках беларускай літаратуры грамзапісаў узорнага чытання літаратурных і фальклорных твораў вучнямі і настаўнікамі школы.

 10. Выкарыстанне на ўроках беларускай мовы і літаратуры, гісторыі, у пазакласнай дзейнасці займальнага матэрыялу ў выглядзе  крыжаванак, тэстаў, квэстаў, пазлаў, літаратурных заданняў.